1) Ang nasisinghot na usok mula dito ay maaaring makaadik. Ang dami at bilis ng pagkonsumo ng nikotina ay direktang nakaaapekto sa pag-iisip ng gumagamit nitó at maaaring magdulot ng adiksiyon. Kahit ang kaunting dami nitó ay nagdudulot ng pagtaas ng presyon ng dugo at pagbilis ng tibok ng puso. Kapag marami naman ang paggamit, maaaring dumeretso sa utak kayâ nararapat na limitado ang paggamit nitó. Ang mga pinatuyong dahon nitó ay pangunahing sangkap sa paggawa ng sigarilyo. Ano ang halamang ito? a) Tabako b) Oregano c) Malunggay d) Sili 2) Isinusuot ito ng kababaihang Ivatan kapag nagtatrabaho sa mga halamanan sa mabatong burol ng Batanes. Tradisyonal itong ginagawa ng kababaihan sa barangay Chavayan, isla ng Sabtang. Mula ito sa pinatuyong dahon ng palmang vuyavoy at maninipis na himaymay ng abaka. Inihahalayhay at itinahi ang mga vuyavoy sa abaka. Kapag suot, nása ilalim nitó ang isang sisidlang backpack na may patigas na yantok at tinatawag na yuvuk. Ano ang tawag sa sinusuot ng kababaihang Ivatan kapag nagtatrabaho sa mga halamanan sa mabatong burol ng Batanes? a) Sinamay b) Dahon ng saging c) Vakul d) Sombrero 3) Ito ay mula sa salitang Espanyol na huelga na nangangahulugang aklasan o pag-aaklas, ay isang organisadong pagtanggi ng mga obrero na magtrabaho hanggang mabigyan ng lunas ang kanilang karaingan. Maaari ring tingnan ang welga bilang isang malayang pagpapahayag ng di-pagsang-ayon sa isang patakaran ng gobyerno o ng isang kompanya bukod sa isang kahilingan para sa kapakanan ng mga nagsasagawa nito. Maaari rin itong gawin sa pamamagitan ng pagdarasal, o maaaring ito ay sa hindi pagpasok sa kani-kanilang trabaho. Ano ang tawag sa gawaing ito? a) Protesta b) Sona c) Panata d) Welga 4) Dito sinasabing matatagpuan ang kapitólyo o ang pangunahing gusali ng pamahalaang panlalawigan at ang mga mahalagang sangay ng pambansang gobyerno. Nagsisilbi itong sentro ng pamamahala, kalakalan edukasyon, kultura, at relihiyon. Ano ito na maaari ring tawag sa puwesto sa hapag-kainan na karaniwang inilalaan sa pinakamatanda sa pamilya o sa mahalagang táong panauhin kapag kumakain? a) Kapitolyo b) Kapital c) Kabisera d) Lungsod 5) Nagkaroon ng malaking palengke sa gilid ng Session Road para sa panindang ito na ngayon ay hindi lámang mga segunda-manong damit ang nakabunton kundi sapatos, bag, at iba pang imported ngunit lumang istak mula sa mga bodega sa Hong Kong at ibang bansa. Bukod sa paghalukay ng nakatambak na sari-saring paninda, kailangan ding iwagwag ng bumibili ang nakursunadahan upang ganap na lumadlad at para mainspeksiyong mabuti kung walang sira o walang bahaging nawawala. Bukod sa “wagwagan”, ano pa ang maaaring itawag sa panindang ito? a) Ukay-ukay b) Diskawnt c) Donasyon d) Kalakalan 6) Ito ay isang magaspang na baging na humahabà nang ilang metro. Sa kasaysayan ng agrikultura, ito ay isa sa mga unang nilinang ng mga tao hindi para maging pagkain kundi upang magsilbing sisidlan ng tubig. Ano ang tawag sa gulay na ito na popular din ang bunga, dahoon, at bulaklak bilang sangkap sa iba’t ibang putahe? a) Ampalaya b) Upo c) Sayote d) Kamote

Sagisag at Kultura Quiz

vytvoril(a)
Vložiť

Rebríček

Vizuálny štýl

Možnosti

Prepnúť šablónu

Obnoviť automaticky uložené: ?